sexta-feira, setembro 29, 2006

Vida molecular

Isto é o que há dentro de min? Se é certo, um exército de vainas fam das suas no meu interior, por mais poéticas que sexam as imaxes. Premiada animaçom de Harvard para ensinar aos estudantes biloxia molecular. Aqui em alta resoluçom. É, polo menos, inquietante.

domingo, setembro 17, 2006

Capítulo X. De como o mundo avança a fume de carroça

Di-se que quando empeça a pesar a idade se deixa de ser capaz de assimilar todos os câmbios que seguem a ocorrer no nosso entorno. Nom sei se sexa certo, mas se o é, o mundo contemporâneo está a produzir mais velhos que calquera outra época. Lembro que no 97 (há menos de dez anos) pensava que nom me fazia falha ter uma conta de correo electrónico e usava internet sobre todo para descargar arquivos. Agora o aumento de informaçom na rede fai que inventos como a tecnoloxia RSS sexa uma necessidade para poder estar ao dia. Os títulos dos posts, por exemplo, tenhem que serem muito subxerentes porque, às veces, é o único que vemos num blogue. A informaçom nom deixa de chegar, e nom só como texto, se nom também como imaxes, sons e vídeos. Muita xente podera-se burlar de alguém que nom domine a tecnoloxia mas, se somos honestos, só algúms poucos coa posibilidade de dedicar muito tempo à actualizaçom das novidades poderam estar ao dia. Vexo domínios como www.youtube.com ou www.flickr.com onde se pode acceder a calquera vídeo ou imaxe. Escuto como grupos musicais como Clap your Hands Say Yeah! conseguem a fama mundial a través da rede (final da industria discográfica? Nom, só uma transformaçom) ou leu sobre casos como o de www.escolar.net onde se “adelanta el asesinato de Marcelo” (trata-se de Marcelo Garza y Garza, director da Agencia Estatal de Investigaciones en Nueva León da PGR) e nom podo evitar pensar em que todo isto é demasiado. Parece que imos tam rápido que xa nom dá tempo nem de reflesionar sobre uma nova quando tes outras dez diante. Ou será que estou a envelhecer? Como pasa o tempo, rapaces.